大学站的车站结构

大学站系一个地面车站，但主要大堂系位於2号月台侧边嘅下一层，同时有另一个较细嘅大堂喺1号月台侧边。2个大堂同埋月台由两条路轨下嘅通道连接（一条喺收费区内，一条就喺非收费区）。收费区嘅通道喺中文大学嘅一边设有闸机。虽然大学站望落好似同香港中文大学有一段距离，但系1号月台设有另一个西面大堂通往香港中文大学，并设有闸机方便出入。

大学站设有两个侧式月台，月台只有中央部份设有上盖，两端都系露天。本站系三个设有「空隙黑点」提示嘅车站之一（另外两个系九龙塘站同旺角东站），两个月台都喺急弯之上（列车限速系每小时55公里），空隙系港铁中最阔嘅，可达34厘米，因此乘客较易发生坠轨意外。